وارۆ بێت بە هەمان شێوەی هۆبی بێت و ڕۆمیا بێت لەلایەن کۆمپانیای ئای تەینس لەم دوایەدا دانرا کە بە هەمان شێوە و ڕێسا کاردەکات و هەردوو بەشی گرەوی وەرزشی و گازینۆی ئۆنلاین پێشکەش دەکات بە گرەوکارانی عێراقی، ماڵپەڕەکە تەنیا لە وڵاتی عێراق ناسراوە و بە چەند زمانێکی جیاواز کار دەکات، لێرەدا پێداچونەوە و هەڵسەنگاندن بۆ بەشەکان و کارەکانی ماڵپەڕەکە دەکەین.

شێوازی ماڵپەڕ

وەک لە سەرەتادا باسمان کرد ، لەلایەن هەمان کۆمپانیاوە کە ئای تەینسە ماڵپەڕەکە دروستکراوە، سەیر لەوەدایە دووبارە هەمان دیزاینی ئامادە کراو بەکارهاتووە کە لە هەردوو گازینۆکەی تر هەیە، باکگراوندێکی ڕەش، لە جیهاندا کۆمپانیاکان لە کاتی بڵاوکردنەوەی ماڵپەڕ و گازینۆی نوێدا دەیانەوێت جۆرێکی جیاواز ببەخشن بە یاریزانەکان و ئەزمونێکی نوێ بێت، لەگەڵ ئەوەشدا بە هەمان سیاسەت کاردەکات و تەرکیزی لەسەر یاریزانانی عێراقیە، هەروەها هەبوونی تابەکان و بەشەکان بە دابەشکراوی لە سەرەوە و خوارەوەی ماڵپەڕەکە کە خۆی لە ڕاستیدا وا گونجاوە سەرجەمیان لەسەرەوە ئاماژەیان پێ بکرێت.

یاریەکانی ئەلکترۆنی و گازینۆ

گازینۆ و سلۆت

وارۆ بێت بە ئاماژە کردنی خۆیان کار دەکەن لەگەڵ چەند گەشەپێدەرێکی جیاواز بۆ یاریەکانیان لەوانە وەک : (پلەی ئەن گۆ، ئێڵک، فوگاسۆ، مستەر سلۆتی، بێت سۆفت، گەیم ئارت، پراگماتیک پلەی و ئای سۆفت بێت)  لەگەڵ ئەوەشدا ڕێکخستن و جیاکردنەوەی یاریەکانیان نەکردووە و ڕەنگە سەخت بێت بە ئاسانی یاری دڵخوازت بدۆزیتەوە، لەگەڵ ئەوەشدا، لە ڕوی یاریەکانی سلۆتەوە گازینۆکە چەند یاریەکی سنورداری هەیە کە کوالیتیەکی نزمیان هەیە و شێوازی یاریکردنیان گونجاو نیین هەرچەندە یاری سلۆت بەناوبانگترینە لەبەر ئاسانیەکەی لەلایەن بەکارهێنەرانەوە، بەڵام گرنگی وەک خۆی پێ نەدراوە، لەلایەکی دیکەوە دەربارەی یاریەکانی گازینۆ دوو بەش هەن بەناوەکانی گازینۆی ڕاستەوخۆ و یاریەکانی ڕاستەوخۆ، بەڵام کاتێک هەر کامێکیان دەکەیتەوە دەبینیت کە هەردوو بەشەکە هەمان یاری تێدایە! هەروەها یاری مێز و گازینۆی ڕاستەوخۆ ژمارەیەکی زۆر کەمن لە ماڵپەڕەکەدا.

گرەوی وەرزشی

وارۆ بێت وەکو سەرجەم ماڵپەڕەکانی تر بەشی گرەوی وەرزشی هەیە کە بریتین لە تۆپی پێ، تۆپی بالە، پێشبڕکێی ئەسپ و فۆرمولا 1، لەگەڵ ئەوەشدا ژمارەی یاریەکانی پێشکەشی دەکات کەمن لە ئاست ماڵپەڕە بەناوبانگەکاندا و هیچ گرەوێکیش نابینیت تایبەت بێت بە خولەکانی عەرەب و ئاسیا لە کاتێکدا کۆمپانیاکە زۆر تەرکیز دەکاتە سەر یاریزانانی عێراقی، هەروەها لە کاتی بەراورد کردنی پۆینت و ئەگەرەکان بە ماڵپەڕە بەناوبانگەکان دەردەکەوێت کە پۆینتی زۆر کەمترە هەر بۆیە ئەگەر بردنەوەش بەدەست بهێنیت ڕەنگە زۆر کەم بێت.

بۆنسەکان

هەر بەشە و گرنگی خۆی هەیە بۆ هەڵسەنگاندن لە ماڵپەڕ و گازینۆکان، بۆنسەکان یەکێکن لە خاڵە گرنگەکان بۆ ئەوەی یاریزانان حەز بکەن لە گازینۆیەک یاری بکەن  و یەکێکیشە لەو خاڵە بەهێزانەی گازینۆی ئۆنلاین کە لە گازینۆ نەریتیەکان جیای دەکاتەوە، لە وارۆ بێت هیچ بۆنسێکمان نەدۆزیەوە بۆ یاریزانە نوێ و بە ئەزموونەکان، هەر وەک ماڵپەڕەکانی تری کۆمپانیاکە تەنیا ئەکومولەتەر بۆنس دەبینیت کە هەرچەندە کلیکی لێ دەکەیت هیچ ناکاتەوە و تەنیا وەک ناوێک بوونی هەیە.

ڕێگاکانی پارەدان لە وارۆ بێت

هۆکارێکی تر کە دەیسەلمێنێت کۆمپانیاکە تەنیا بۆ یاریزانانی عێراق دەبێت رێگاکانی پارەدانە، چونکە پێش هەر شتێک دەبێت ڕێگایەک بەردەست بێت بۆ ئەوەی بتوانیت پارە داخڵبکەیت و پارە ڕابکێشیت، ئێمە نەمانتوانی لە سەرەتادا بزانین کە ئایا کام جۆرانە قبوڵ دەکات، دواتر بۆمان دەرکەوت کە تەنیا لە ڕێگای فاست-پەی دەتوانیت پارە بدەیت کە جزدانێکی ئەلکترۆنی ناوخۆی عێراقە، واتە هیچ ڕێگایەکی کاردەکانی بانکی و جزدانی ئەلکترۆنی بەردەست نین، هەروەها نازانین کە ئایا چەند کاتی پێ دەچێت کاتێک پارە داخڵ دەکەیت و ڕایدەکێشیت، ئایا زانیاریە دارایەکانت پارێزراون؟ چەند پارە دەتوانیت داخڵ بکەیت و سنوری کەمترین و زۆرترین پارە ڕاکێشان چەندە.

پەیوەندی و بەشی خزمەتگوزاری

پەیوەندی کردن و بەشی خزمەتگوزاری وا دەکات یاریزانان لە کاتی هەر کێشە و پرسیارێک چارەسەر بدۆزنەوە، بەڵام لێرە هیچ کارێک نەکراوە تا بتوانن شێوازێکی پەیوەندی ستانداردی جیهانی هەبێت و چاتی ڕاستەوخۆی نییە، هەر بۆیە لە کاتی هەبونی هەر کێشەیەکدا فۆڕمێک هەیە پڕی بکەیتەوە کە ناو و ناونیشانی تێدا دەنوسیت لەگەڵ ئیمەیڵەکەت دواتر پرسیار یاخود کێشەکەت، کە ئەمەش ڕێگایەکی کۆنە و ئێستا ماڵپەڕە جیهانیەکان بەکاری ناهێنن هەروەها ڕەنگە دوای چەندین ڕۆژ وەڵامەکەت وەرگریت.

مۆڵەت و ڕێگەپێدان

وارۆ بێت ئاماژەی نەکردووە بە هیچ مۆڵەتێک و بڕوانامەیەک کە خاوەنی بێت تا بتوانیت دڵنیا بیتەوە لە کاتی خۆ تۆمارکردن، هەروەها هیچ پرۆتۆکۆڵێک باس نەکراوە دەربارەی پاراستنی داتا و زانیاریە کەسی و دارایەکانت ،هەموو بەکارهێنەرێکیش متمانە بە یەکەم هەنگاو دادەنێت لە کاتی تۆمارکردن لە گازینۆکاندا و هەر بۆیە ڕەنگە خۆ تۆمارکردن لەم ماڵپەڕە مەترسیدار بێت.

دەرەنجام

دوای پێداچونەوەی سەرجەم لایەنە سەرەکیەکانی گازینۆ و ماڵپەڕەکە، دەتوانین بڵێین وارۆ بێت جێگایەکی بچوکە کە تەنیا لە ناوخۆدا کاردەکات، خاوەنی هیچ مۆڵەتێکی فەرمی و بڕوانامەیاک نییە بۆ ئەوەی یاریزانان بتوانن متمانەی پێ بکەن، هیچ بۆنسێک پێشکەش بە یاریزانەکانی ناکات و پۆینتی گرەوی وەرزشی بەراورد بە ماڵپەڕە جیهانیەکان زۆر کەمترن ، هەروەها ژمارەی یاریەکانی سنوردارن.